Kryetarja e Kuvendit, Lindita Nikolla, u takua me Kryetarin e Bashkisë së Athinës, Kostas Bakoyannis: Mbështetje parlamentare për bashkëpunimin midis bashkive të të dy vendeve
Gjatë vizitës së saj në Athinë, Kryetarja e Kuvendit, Lindita Nikolla, u takua edhe me Kryetarin e Bashkisë së Athinës, Kostas Bakoyannis.
Kryeparlamentarja Nikolla dhe Kryebashkiaku Bakoyannis biseduan mbi aspekte të ndryshme të marrëdhënieve e bashkëpunimit midis Shqipërisë dhe Greqisë, si dy vende fqinj, miq e partnerë strategjikë.
Nikolla e falenderoi Kryetarin e Bashkisë Bakoyannis për marrëdhëniet shumë të mira me komunitetin e emigrantëve shqiptarë në Athinë dhe kujdesin për integrimin e tyre në jetën ekonomike e shoqërore të qytetit dhe të vendit.
Nikolla dhe Bakoyannis biseduan edhe mbi mbështetjen nga parlamentet e të dy vendeve të qeverisjes vendore dhe partneritetit midis bashkive të të dy vendeve.