Pas shumë ditëve të ftohta dhe me reshje shiu e bore në viset kodrinore-malore një anticiklon nga Evropa Qendrore do të fillojë të zhvendoset drejt Ballkanit duke përmirësuar kushtet sinoptike. Cikloni i fuqishëm që na solli mot të ftohtë dhe me shi tanimë është dobësuar dhe po largohet në drejtim të Detit të Zi, Turqisë dhe Azisë.
Vranësirat e dendura edhe sot janë prezente dhe vende-vende ende po kushtëzojnë riga shiu, ndërsa nga nesër ende priten vranësira, por me kushte edhe për intervale kohore me diell. Gjatë javës që po hymë pritet të arrijnë 20 gradë Celsius dhe ndoshta pak më shumë.
Gjatë javës priten alternime të shpeshta mes vranësirave dhe intervaleve të gjata kohore me diell, por moti pritet të jetë stabil dhe më i ngrohtë. Vetëm në jug dhe lindje të Shqipërisë ende mund të ketë riga ose ndonjë rrebesh afatshkurtër shiu.
Mot kryesisht stabil dhe pa reshje do të mbajë deri afër fundjavës kur sipas ecurive aktuale do të kemi gjasa për reshje të reja shiu./Meteoballkan