Shkencëtarët kanë dhënë një lajm të rrallë të mirë për planetin tonë. Shtresa e ozonit është drejt riparimit dhe brenda dekadave të ardhshme pritet të kthehet të normalitet të plotë.
Studimi i mbështetur nga Kombet e Bashkuara, vlerëson se riparimi i shtresës së ozonit po ndodh pas ndalimit çlirimit në natyrë të shumë kimikateve të rrezikshme.
Shtresa e ozonit e mbron planetin nga rezet e dëmshme ultraviolet. Por prej vitit 1980 shkencëtarët kanë dhënë alarmin për një vrimë në këtë mburojë, të krijuar nga kimikatet e dëmshme si klorofluorokarbonet të gjendura në frigorifere, aerosol dhe tretës.
Çlirimi i këtyre kimikateve në atmosferë është ulur me 99% që prej nënshkrimit të Protokollit të Montrealit në vitin 1989.
Sipas studimit, zona e ozonit pritet të kthehet në nivelet e para 1980-ës, në vitin 2040 për pjesën më të madhe të planetit, dhe në 2024 për arktikun si dhe për antarktidën në vitin 2066.