Deputetja e PD-së Jorida Tabaku ka komentuar live në konferencë vendimin për shpalljen e emergjencës për krizën energjetike në Shqipëri. Ajo tha se nuk thuhet asnjë fjalë për qytetarët, por “për të mbuluar katastrofën e vjedhjeve galopante në sektorin e energjisë”.
“Fillojnë e sulmojnë, nuk bëhet dhe fillojnë adaptojnë. Rama nuk ka dalë për krizën e shqiptarëve, po për të menaxhuar krizën e energjisë, të qeverisë. I gjithë vendimi me 6 pika nuk ka asnjë masë për qytetarët. Duan të mbulojnë katastrofën me vjedhjet galopante në sektorin e energjisë, asnjë masë për shtresat në nevojë, rritjen e çmimeve, po vetëm fonde për të mbuluar korrupsionin e KESH dhe OSHEE”, tha Tabaku.