Milani ka sulmuesin e së ardhmes. Marko Lazetic, 18 vjeç, zbarkoi në aeroportin Linate. Tani do t’iu nënshtrohet kontrolleve mjekësore rutinw në klinikën “La Madonnina” dhe më pas do të nënshkruajë kontratën me kuqezinjtë.
Serbi ka arritur marrëveshje me vlerë rreth 5 milionë euro, përfshirë bonuset. Investim i rëndësishëm i “Djallit” pwr tw konsideruarin sulmues i tretë. 1.92 m i gjatë, luan me këmbën e djathtë, më 22 janar mbushi 18 vjeç. Dhurata e ditëlindjes është sfida e tij e re me Milanin, vetëm për t’u zyrtarizuar.
I lançuar nga Dejan Stankovic, i lindur dhe i rritur në Beograd, Lazetic konsiderohet si “Vlahovic i ri” për cilësinë, lëvizjet dhe stilin e lojës. Ai vjen nga 16 ndeshje dhe një gol në ligën serbe. Midis shkurtit dhe majit 2021 ai luajti 14 ndeshje për “Graficar”, duke shënuar 4 gola.
Vitin e kaluar debutoi në ekipin e parë në moshën 16 vjeç e 10 muaj. Fakt domethwnws: Marko, vetwm 17 vjeç e 8 muaj u bë golashënuesi i tretë më i ri i Crvena Zvezda, pas Luka Jovic dhe Zoran Filipovic.