Deputetja e Partisë Demokratike, Albana Vokshi, në fjalën e saj në seanën plenare në Kuvend është shprehur se administrate publike është kthyer në makth për qytetarët shqiptarë.
Ajo tha se Konferenca e Kryetarëve nuk i lejon deputetët të kenë kohën e nevojshme të flasin për çështjen e administratës publike, por u jep atyre vetëm 1 minutë kohë. Vokshi shtoi edhe se ‘Aktivisti’ dhe ‘Patronazhisti’ janë sistemet më të dhunshme që ekzistojnë sot dhe që sipas saj i shërbejnë partisë në pushtet.
“Unë dua të flas për administratën publike, por konferenca e kryetarëve ma heq këtë të drejtë. A është e mundur që të mos lini më 150 minuta. Është qesharake, na lini 10 minuta secilit deputet që të flaës. Administrata është kthyer në makth për qytetarët. Si mund të flas unë, si duket zonjës Bushka ky dokument. Kjo është administrate që po punon për qytetarët? Patronazhisti dhe Aktivisti janë sistemet më të dhunshme”, u shpreh Vokshi.