Misioni i Giorgia Melonit në Uashington ka përcjellë ndjenja pozitive në mesin e drejtuesve të lartë të Komisionit Evropian. Takimi i Shtëpisë së Bardhë ishte një mundësi e dobishme për të krijuar ura të mëtejshme me administratën Trump duke respektuar rolet e ndryshme, siç ka deklaruar tashmë vetë Meloni.
Presidentja e Komisionit Evropian, Ursula Von der Leyen ka zhvilluar një bisedë telefonike me kryeministren Giorgia Meloni pas misionit të kryeministres italiane në Shtëpinë e Bardhë. Takimi ishte pozitiv.
Meloni dhe Von der Leyen kishin rënë dakord të qëndronin në kontakt para dhe pas takimit dypalësh mes kryeministres italiane dhe presidentit amerikan Donald Trump, duke koordinuar vizitën në kuadër të negociatave mes BE-së dhe Shteteve të Bashkuara për tarifat.
Ekzekutivi i BE-së sqarojnë që takimi në Shtëpinë e Bardhë u vlerësua pozitivisht në Bruksel dhe në përputhje me atë që ishte rënë dakord një ditë më parë nga Meloni dhe Von der Leyen.