Deputeti i PS-së, Xhemal Qefalia ka shprehur pakënaqësinë e tij me ligjin për votën e Diasporës. Ai theksoi se nuk është dakord me të për arsye se përmes tij favorizohet votimi familjar nga emigrantët.
Qefalia shtoi se në raste të tjera një sipërmarrës shqiptar që operon jashtë vendit mund të detyrojë punëtorët e tij që t’i detyrojë të votojnë për një subjekt të caktuar politik.
”Nuk jam dakord me ligjin sepse favorizon votimin familjar. Një sipërmarrës që është jashtë mund të mbledhë ata punëtorët dhe t’i detyrojë të votojnë. Për të dalë te ligjshmëria”, tha ai.