Komisioni Qendror i Zgjedhjeve ka ngritur grupin e punës për vlerësimin e mundësisë për votimin jashtë vendit, për zgjedhësit që kanë vendbanim të përhershëm jashtë Shqipërisë për zgjedhjet parlamentare më 25 prill 2021. Ky komision brenda 15 nëntorit do të duhet ti dorëzojë një raport vlerësimi komisionerit.
Grupi i punës do të kryesohet nga Ylli Merkaj dhe për anëtar janë Nexhmi Mezani, Ana Tenolli, Mirela Gega, Erion Meta dhe Anduela Ndreu.
Detyrat e tij janë vlerësimi i mundësisë së votimit nga jashtë vendit për zgjedhjet e 25 prillit, një kosto financiare dhe modele votimi në vende të ndryshme. Ky grup ka afat deri më 15 nëntor që ti dorëzojë një raport komisionerit.


