Votat e Greqisë, përfundon numërimi për Tiranën dhe 5 qarqe të tjera, vijon ende për disa të tjera!

Komisioni Qendror i Zgjedhjeve ka bërë me dije se në orët e para të mëngjesit të sotëm, ka përfunduar numërimi dhe vlerësimi i fletëve të votimit nga jashtë, konkretisht Greqia, për subjektet zgjedhore në qarqet, Kukës, Durrës, Tiranë, Shkodër, Dibër dhe Lezhë.  

Vijon procesi i numërimit dhe vlerësimit të fletëve të votimit nga Greqia për subjektet zgjedhore në qarqet:

1. Korçë
2. Gjirokastër
3. Vlorë
4. Elbasan
5. Berat

Ka filluar procesi i numërimit dhe vlerësimit të votave nga jashtë për kandidatët e votimit preferencial (në listë “të hapur”) në qarqet:

1. Durrës
2. Tiranë
3. Shkodër
4. Fier
5. Lezhë
6. Dibër

Në qarkun Kukës ka përfunduar procesi i numërimit dhe vlerësimit të votave nga jashtë për kandidatët e votimit preferencial (në listë “të hapur”).