Sot në Gjykatën e Elbasanit, dolën në seancën për masën e sigurisë, dy personat e përfshirë në ngjarjen e 17 gushtit, ku mbeti i vrarë Madrit Ulqinaku. Horgito Peqini dyshohet se është autori i kësaj ngjarjeje, ndërsa Klaudjan Sallufi bashkëpunëtor.
Për ta është dhënë masa e sigurisë “arrest me burg”. Për Peqinin mund të ketë ulje dënimi, pasi ende nuk i ka mbushur 18 vjeç. Ai e pranoi vrasjen gjatë seancës, ndërsa kërkoi të t’i liroheshin shokët.
Gjyqtare e çështjes është Pajtime Fetahu, ndërsa Prokuror Arber Berexha. Avokat është Ervis Kyqyku, i cili është caktuar nga shteti, pasi asnjë i përfshirë në ngjarje nuk ka avokat.
18-vjeçari është nipi i “Mandelës”, i cili është në burg të përjetshëm për shkak të krimeve të kryera në 97-tën. Fillimisht u raportua se ngjarja ndodhi pas një konflikti të çastit për arsye banale, por grupi i hetimit ka dyshime se vrasja e Ulqinakut ka qenë e menduar mirë.
Horgito Peqini dhe Kaludjan Sallufi së bashku me Ejden Dinon, i cili u arrestua dy ditë pas ngjarjes së rëndë ishin në shoqërinë njëri-tjetrit kur u përballën me Madrit Ulqinakun dhe shokun e këtij të fundit. Në seancën gjyqësore ku u dha masa e sigurisë “arrest me burg”, Dino tregoi se së bashku me dy miqtë e tij thotë se kishin konsumuar lëndë narkotike dhe kishin dalë në rrugë me armë të ftohta.