Pas rikthimit të Izet Haxhisë në atdhe, i cili akuzohet për vrasjen e ish-liderit të Dhjetorit, Azem Hadar, gjykata tashmë ka caktuar edhe datën e parë të seancës së rigjykimit të tij.
Mësohet se seanca e parë ndaj Izet Haxhisë do të mbahet më 18 qershor, ndërsa pala mbrojtëse e ka quajtur këtë një betejë drejt lirimit të Haxhisë.
Si Haxhia ashtu edhe pala mbrojtëse sëthë shprehur se kanë prova për të vërtetuar pafajsinë. Izet Haxhia pretendon se pas vrasjes së ish-liderit të dhjetorit fshihet ish-Presidentit Sali Berisha, ky i fundit pritet të jetë një prej dëshmitarëve të ngjarjes së rëndë. Jo pak por 44 dëshmitarë do të thirren lidhur me dosjen “Hajdari” e cila është hapur për rigjykim.
Izet Haxhia u dënua me 25 vite burg në prill 2002 nga Dhoma Penale Tiranë e më pas në qershor 2002 nga Apeli me 25 vite të formës së prerë në mungesë për vrasjen e ish deputetit demokrat Azem Hajdari. Pas 17 vitesh dënim në mungesë, në maj të viti të kaluar Izet Haxhia u rikthye nga Turqia për të rihapur çështjen. Krimet e Rënda pranuan kërkesën e Izet Haxhisë për hapjen e dosjes ‘Hajdari’ dhe procesi do të rinisë në Gjykatë e Shkallës së Parë. Më 18 mars tre gjyqtarët e Krimeve të Rënda Dhimitër Lara, Nure Ndreni dhe Sokol Binaj vendosën të anulonin dy vendimet që kishin dënuar Haxhinë për të rihapur gjithë procesin me një tjetër trup gjykuese në Gjykatën e Shkallës së Parë.
Deputeti Azem Hajdari u vra më 12 shtator teksa dilte nga selia e Partisë Demokratike. Për këtë krim u dënuan katër persona përfshi dhe ish-truprojën e Sali Berishës, Izet Haxhinë.