Prokuroria e Posaçme kundër Korrupsionit dhe Krimit të Organizuar ka dhënë pretencën për pesë të pandehurit që akuzohen për vrasjen e biznesmenit Behar Sofia në vitin 2021.
SPAK ka kërkuar dënimiN me nga 30 vite burg për 4 të pandehurit Bujar Leza, Leonard Xhixha, Skënder Vathi dhe Xhuljano Visha.
Ndërsa për bashkëpunëtorin e drejtësisë, Ernejt Shytin SPAK ka kërkuar dënimin me 7 vite burg.
Behar Sofia u ndoq nga autori i cili e ekzekutoi me dy plumba me një pistoletë me silenciator, teksa po ecte buzë lumit të Lanës shumë pranë “Piramidës” dhe në mes të ditës.
Autori, Ernejt Shyti dëshmoi se i ishin premtuar 50 milionë euro për vrasjen e Sofisë, ndërsa tregoi se vrasja ishte porositur nga Leza, Xhixha, Vathi dhe Visha, me të cilët edhe kishte bashkëpunuar për organizimin e vrasjes.
Dyshohet se shkak është bërë e shkuara kriminale e Behar Sofisë, i cili ishte i përfshirë në trafikun e heroinës.