Dritan Idrizi humbi jetën në kulmin e një debati të dhunshëm, pasi mori tre plagë me thikë, njëra prej të cilave fatale në zemër. 38-vjeçari me origjinë shqiptare, banues në Riccione të Italisë.
Mediat italiane raportojnë se janë tre persona me origjinë shqiptare, të arrestuar si të dyshuar për një krim: Artur Cerria, autori i vrasjes së 38-vjeçarit, Gili Quedari, 28 vjeç, mik i viktimës, si dhe Admir Shoshari, 54 vjeç, daja i viktimës, banues në San Giovanni në Marignano.
Nga ajo që është rikonstruktuar, Idrizi kishte pasur një diskutim të ashpër me anëtarët e familjes së Cerrias. Ky i fundit u tha hetuesve se viktimën e kishte goditur me thikë në bark dhe këtë e kishte bërë në mbrojtje personale dhe për të mbrojtur familjen e tij, përfshirë gruan dhe djalin.
Arsyet e sulmit janë ende duke u shqyrtuar nga hetuesit. Viktima është dashur të mbledhë një shumë prej 5 mijë eurosh për punë ndërtimore. Tre të arrestuarit, me urdhër të Prokurorisë së Pesaros, janë transportuar në burgun e Pesaros, në pritje të seancës gjyqësore.