Presidenti amerikan John Fitzgerald Kennedy u vra gjashtë dekada më parë, më 22 nëntor 1963. Sipas rezultateve të hetimit, dy plumba goditën Presidentin Kennedy. Atentati ndodhi në orën 12:30 me orën lokale dhe gjysmë ore më vonë u shpall i vdekur John Fitzgerald Kennedy, presidenti i 35-të i SHBA-së. Disa orë më vonë u njoftua se vrasësi ishte Lee Harvey Oswald.
Lyndon Johnson, i cili si zv.president i Kennedy u bë president i SHBA-ve, formoi një organ për të hetuar atentatin. Kështu u formua Komisioni Warren. Ai trup arriti në përfundimin se vrasësi ishte Lee Harvey Oswald, se ai veproi i vetëm dhe se çështja ishte mbyllur.
Oswald ishte një personalitet i pazakontë, i diskutueshëm. Ai ishte pjesëtar i ushtrisë amerikane dhe kishte kontakte me emigrantët kubanë antikomunistë. Pasuan interpretime të panumërta dhe teori të ndryshme për sfondin e atentatit, i cili nuk ka të ndalur deri më sot.
Vrasja tronditëse e presidentit, ajo që e rrethonte, imazhi magjepsës që ekzistonte për të, konteksti i përgjithshëm, çuan në formimin e një lloj miti për personalitetin e John Fitzgerald Kennedy. Si për personalitetin, ashtu edhe për performancën e tij politike.
Miti për të ushqehet veçanërisht majtas, te liberalët, por edhe ata që janë më majtas në shkallën e ideve politike. Ai ishte i ri, modern, dukshëm jetik, optimist, tërheqës, duke premtuar reforma të thella, përparim të përgjithshëm, fundin përfundimtar të ndarjes institucionale, madje edhe çarmatimin e ndalimin e testeve bërthamore.