Vrasja e Metës, autori e goditi me çekiç dhe në fund i mori paratë

Kanë dalë detaje në dritë në lidhje me vrasjen e 81-vjeçarit Xhemal Meta, i cili u gjet i pajetë dy ditë më parë në Qafë Mollë. Sipas Policisë së Shtetit, autori i dyshuar, Isuf Hasa ka shkuar në shtëpinë e Metës dhe të dy janë konfliktuar për motive të dobëta. 64-vjeçari Hasa e ka goditur Metën me çekiç në pjesën e prapme të kokës, duke i shkaktuar vdekjen. Sakaq, dyshohet se pasi e ka goditur viktimën, autori i ka marrë edhe paratë që Meta kishte në xhep dhe është larguar.