“Vrasje për shkak te Instagramit”, ky është konkluzioni i Prokurorisë për ekzekutimin e Vilson Tafciut.
Teksa pistat ishin të shumta që nga prishja e pazareve, dëshmia e një vajze të re që kishte 16 mijë ndjekës në Instragam ka hedhur poshtë të gjitha pistat e tjera.
Sipas dëshmisë të administruar në dosjen që TCH disponon, vajza me emrin Blerta L., i njohu rastësisht viktimën dhe vrasësin 9 ditë përpara krimit.
E reja, u ndal në rrugë nga Noel Dishi të cilit pranoi t’ia japë numrin e telefonit dhe të pijë në ditët në vazhdim kafe. Por teksa i riu tashmë i arrestuar për vrasjen e Vilsonit kërkoi të lidhej me të, madje duke i afruar edhe ndihmë për hapjen e një biznesi, ajo dëshmon se e refuzoi këtë kërkesë.
“Një ditë para vrasjes Noeli më telefonoi dhe më pyeti nga e njeh Vilsonin”, thotë e reja , “por unë ju përgjigja pse më pyet vetëm për atë, kur kam 16 mijë ndjekës në instagram”.
“Noeli më pyeti pse më gënjen se ti ke qenë e lidhur me Vilsonin”, dëshmon e reja dhe më pas sipas asaj që është kqyrur nga prokuroria, e reja i ka kërkuar llogari viktimës se përse mburrej kur ajo nuk kishte raport me të. Ua bëra të qartë të dyve se nuk doja të më përzienin, dhe i bëra bllok, por Vilsoni këmbëngulte nga ana e tij se edhe Noeli kishte shkuar në lokalin pranë Unazës së Re dhe më tregoi se me foton time po i mburrej shiko me kë jam lidhur”.
Të gjitha këto biseda ndodhen në datën 19 janar ndërsa ne datën 20 janar u krye vrasja evidentohet në dosje, ku sipas influenceres një shoqja e saj i kishte thënë se Noel Dishi kishte qenë në prokurori për një çështje të madhe dhe jo më për këto gjëra se ai vriste më të mirin.
Sipas dëshmitares, pas krimit në datën 7 prill, Noel Dishi e ka telefonuar nga burgu dhe kur Bleta e ka pyetur pse e bëre, i dyshuari i është përgjigjur: Ma ka hedhur njëherë dhe nuk doja të ma hidhte përsëri. Dëshmitarja tregon se kishte frike mos keqkuptohej shoqëria e viktimës, ndërsa i arrestuari e ka qetësuar në telefon: Mos ki merak se dhe ata e dinë që nuk je shkaku ti, se kemi patur njohje më përpara dhe kishim dhe probleme të tjera.