Issei Sagawa, një vrasës japonez i njohur si “Kanibali Kobe”, i cili vrau dhe hëngri një studente holandez, por nuk u burgos kurrë, ka humbur jetën në moshën 73-vjeçare.
Sagawa vdiq nga pneumonia. Në funeral morën pjesë vetëm të afërmit e tij.
Në vitin 1981, Sagawa po studionte në Paris kur ftoi studenten holandez Renee Hartevelt në shtëpinë e tij. Ai e qëlloi atë në qafë, e përdhunoi dhe më pas konsumoi pjesë të trupit të saj gjatë disa ditëve.
Sagawa më pas u përpoq të hidhte mbetjet e saj në parkun Bois de Boulogne dhe u arrestua disa ditë më vonë, duke rrëfyer krimin e tij në polici.
Por në vitin 1983, ai u konsiderua i papërshtatshëm për gjykim nga ekspertët mjekësorë francezë dhe fillimisht u mbajt në një institucion psikiatrik përpara se të deportohej në Japoni në 1984.
Ai u gjykua i shëndoshë nga autoritetet japoneze, të cilat vendosën se problemi i vetëm i Sagawa ishte një “anomali karakteri” dhe se rasti i tij nuk kërkonte shtrim në spital.
Autoritetet japoneze nuk ishin në gjendje të merrnin dosjet e tij të çështjes nga homologët e tyre francezë, të cilët e konsideruan çështjen të mbyllur, duke e lënë vrasësin të lirë.