Gjykata ka dënuar me burgim të përjetshëm Mexhit Picarin, fajtor për vrasjen e ish-dhëndrit të tij Kudret Saliaj, ngjarje e ndodhur në qershor të vitit 2021.
Gjithashtu bëhet me dije se gjykata dënoi me 30 vite burg vajzën e tij, Dhurata Picari, e cila ndihmoi babanë në vrasjen e ish-burrit.
Vrasja e Saliajt nga ish-vjehrri erdhi pas një historie të gjatë konfliktesh në familje, ku viktima dhe Dhurata Picari akuzonin njëri-tjetrin për tradhti bashkëshortore.
Vrasja ndodhi 10 minuta para se pritej të mbahej seanca e radhës për divorc në gjykatë. Picari hyri në lokalin ku qëndronte ish-dhëndri dhe e ekzekutoi me armë zjarri këtë të fundit. Nga plumbat, i plagosur mbeti edhe avokati Adriatik Cama, që ndodhej në një tavolinë me viktimën.