Një 73-vjeçare në Gjermani është dënuar me burg të përjetshëm pasi para 32 vitesh kishte vrarë një fëmijë. 

Ajo çfarë ka tronditur gjykatësit ka qenë arsyeja e vrasjes së fëmijës, pasi sipas saj, ai ishte pushtuar nga e keqja dhe mbi të gjitha ishte një lloj rimishërimi i Adolf Hitlerit. Mësohet se ngjarja ndodhi në qytetin e Hanaut, në lindje të Hesias në Gjermani, kur ajo ishte kryetare e një sekti.

Fëmija ishte djali i një çifti që ishin anëtarë të këtij sekti. Sipas mediave të huaja gruaja, përpara se ta vriste atë, e torturoi djalin, duke e lidhur brenda një thesi derisa ai kishte vdekur.

Për shumë vite me radhë vdekja tragjike e fëmijës u konsiderua një aksident, pasi shumë ish-anëtarë të sektit u munduan të mbulojnë historinë e vrasjes, duke ndërtuar disa skenarë të rremë në lidhje me ngjarjen.

Ajo çfarë konsiderohet e pabesueshme në gjithë këtë histori është nëna e fëmijës kishte një lidhje shumë të ngushtë me vrësësen e djalit të tij madje e konsideronte dhe motër.

Ishte viti 2015 ku disa ish-anëtarë të sektit zbuluan ca rregulla që udhëheqësja e tyre shpirtërore kishte vendosur dhe sipas të cilave një numër shumë i madh fëmijësh ishin dhunuar. Anëtarët e sektit iu nënshtruan dhunës psikologjike dhe fizike, si pasojë e manipulimit dhe një indoktrinimi të pabesueshëm.

PËRGJIGJU

Please enter your comment!
Please enter your name here