Policia e Shkodrës ka vënë në pranga një 42-vjeçar, në kërkim prej shtatë vitesh për vrasje.
Në sajë të operacionit të koduar “Dukagjini” është arrestuar Lush Pjollaj, i dënuar me 23 vite burg për vrasje.
“Në kushte të vështira të terrenit dhe të motit, Policia ka bërë të mundur kapjen dhe ndalimin e shtetasit të shpallur në kërkim Lush Pjollaj 42 vjeç, i cili fshihej në një banesë në fshatin Vuksanaj të Dukagjinit”, thotë policia.
42-vjeçari është dënuar në vitin 2013 nga Gjykata e Shkodrës me 23 vjet burgim për “Vrasja me paramendim”, pasi me datën 12.09.2012 në lagjen Pjollaj të fshatit Vuksanaj, ka vrarë me armë zjarri M. T. 56 vjeç për motive të gjakmarrjes.
Materialet iu referuan Prokurorisë së Rrethit Gjyqësor Shkodër për veprime të mëtejshme