Gjykata e Tiranës ka dhënë 16 vite burg për 29-vjeçarin Noel Dishi, i cili vrau me armë zjarri shokun e tij Vilson Tafçiun, mbrëmjen e 20 janarit 2020, në zonën e Astirit në kryeqytet.
Dishi u shpall fajtor për “vrasjen me dashje” të Tafçiut dhe për “armëmbajtje pa leje”., ndërsa me pranimit e Gjykimit të shkurtuar ai përfitoi ulje dënimi nga 16 vite burg në total, në 10 vjet e 6 muaj.
“Vrasje për shkak te Instagramit”, ky është konkluzioni i Prokurorisë për ekzekutimin e Vilson Tafciut.
Teksa pistat ishin te shumta që nga prishja e pazareve, dëshmia e një vajze te re qe kishte 16 mijë ndjekës ne Instragam ka hedhur poshtë te gjitha pistat e tjera.
Sipas dëshmisë, vajza me emrin Blerta L., i njohu rastësisht viktimën dhe vrasësin 9 ditë përpara krimit.
E reja, u ndal në rrugë nga Noel Dishi të cilit pranoi t’ia japë numrin e telefonit dhe të pijë në ditët në vazhdim kafe. Por teksa i riu tashmë i arrestuar për vrasjen e Vilsonit kërkoi të lidhej me të, madje duke i afruar edhe ndihmë për hapjen e një biznesi, ajo dëshmon se e refuzoi ketë kërkesë.
“Një ditë para vrasjes Noeli me telefonoi dhe me pyeti nga e njeh Vilsonin”, thotë e reja , “por unë ju përgjigja pse me pyet vetëm për atë kur kam 16 mijë ndjekës në instagram”.
“Noeli më pyeti pse më gënjen se ti ke qenë e lidhur me Vilsonin”, dëshmon e reja dhe më pas sipas asaj qe është këqyrur nga prokuroria, e reja i ka kërkuar llogari viktimës se perse mburrej kur ajo nuk kishte raport me të. Ua bëra të qarte të dyve se nuk doja të më përzienin, dhe i bëra bllok por Vilsoni këmbëngulte nga ana e tij se edhe Noeli kishte shkuar në lokalin pranë Unazës se Re dhe më tregoi se me foton time po i mburrej shiko me kë jam lidhur”.
Të gjitha këto biseda ndodhen në datën 19 janar ndërsa ne datën 20 janar u krye vrasja evidentohet ne dosje, ku sipas influenceres një shoqja e saj i kishte thëne se Noel Dishi kishte qene ne prokurori për një çështje te madhe dhe jo më për këto gjëra, se ai vriste më të mirin.
Sipas dëshmitares, pas krimit ne datën 7 prill, Noel Dishi e ka telefonuar nga burgu dhe kur Bleta e ka pyetur pse e bere i dyshuari i është përgjigjur: Ma ka hedhur njëherë dhe nuk doja t’ma hidhte përsëri. Dëshmitarja tregon se kishte frikë mos keqkuptohej shoqëria e viktimës, ndërsa i arrestuari e ka qetësuar ne telefon: Mos ki merak se dhe ata e dinë që nuk je shkaku ti se kemi pasur njohje më përpara dhe kishim dhe probleme të tjera.
