11 vite më parë ai vrau një të ri shqiptar, sot 40-vjeçari Italian del nga qelia e burgut dhe është punësuar në biznesin e familjes së tij.
Bëhet fjalë për Mirco Franzonin, italianin i cili në dhjetor të 2013 qëlloi për vdekje 26-vjeçarin shqiptar Eduard Ndoj, i cili sipas gjykatë ishte futur për të grabitur në shtëpinë e vëllait të tij në Serle, në zonën e Breshias.
Sipas mediave italiane, pak ditë më parë Franzoni ka marrë dritën jeshile për të punuar në ambientet jashtë burgut dhe në mëngjes del nga burgu i Verzianos dhe më pas kthehet kur të përfundojë turni.
Në vitin 2019, Gjykata e Lartë konfirmoi dënimin me 9 vjet e 4 muaj për vrasje me dashje, pavarësisht se gjykata e Breshias ka pohuar se 40-vjeçari ka qëlluar pas një sherri në rrugë, hajdutin, 26-vjeçarin shqiptar Eduard Ndoj.
40-vjeçari është në burg që prej 10 tetorit 2019.