Gjykata e Krimeve të Rënda ka lënë në burg autorin e vrasjes së 35-vjeçarit Arben Gjeci. Ndërsa për motrën e tij, dhe bashkëshortin e saj, Elida Cani dhe Dëfrim Kurti është lënë masa arrest shtëpie.
21-vjeçarja nuk ka pranuar të ketë pasur lidhje me Gjecin, i cili mbeti i vrarë në Zall Bastar katër ditë më parë, ku ndërroi jetë në spitalin e Traumës pas plagëve të marra.
Ajo ka dëshmuar se viktima e ngacmonte shpesh, po nuk ka pasur lidhje jashtëmartesore. Ndërkohë që dhe vëllai i saj ka mohuar të ketë kryer krimin. Ai është shprehur në polici se i kunati i është ankuar për një tradhëti të së motrës, por nuk është autor i vrasjes.
Por policia thotë se Cani dhe kunati i tij Dëfrim Kurti kanë gjetur Elidën dhe Arbenin bashkë në një kasolle, pasi dyshohej se kishin një lidhje të fshehtë.