Një 48-vjeçar në Itali, mbrëmjen e së enjtes ka vrarë nënën e tij 85-vjeçare, dhe pas krimit ka telefonuar karabinierët. Ngjarja ka ndodhur në një shtëpi të vogël ku jetonin nënë e bir.
Djali i njohur për problemet e varësisë, u dërgua fillimisht në spital dhe më pas në kazermë: për të sqaruar nëse ka tentuar vetëvrasjen pasi ka shkaktuar vdekjen e nënës së tij. Mësohet se e moshuara u rrah për vdekje ndërsa shkak mendohet të ketë qenë një zënkë.
“Kam vrarë mamin, hajdeni”, kështu u tha 48-vjeçari rreth mesnatës, karabinierëve pasi kreu krimin makabër.