Eksperti i kriminologjisë Ervin Karamuço ka reaguar pas ngjarjes së rëndë të ndodhur në oborrin e Top Channel, ku u vra roja i sigurisë Pal Kola. Ai ka publikuar fotografinë e një monedhe 5 lekëshe që u gjet në tokë dhe kishte rënë nga xhepi i 60-vjeçarit. “Ky 5 lekësh duhet të qëndrojë përgjithmonë në oborrin e Top Channel. Ishte e vetmja monedhë që ra nga xhepi i të ndjerit Pal. Skam fjalë”, shkruan Karamuço.
Makina tip Range Rover, me targa të vjedhura është gjetur e djegur në Golem me dy kallashnikovë brenda. Ngjarja e rëndë ndodhi rreth orës 01:00. Roja Pal Kola që mbeti i vrarë ka qenë duke u ngrohur pranë një një ngrohëse që ka pasur brenda kabinës në momentet që është qëlluar me breshëri plumbash.
Presidenti Bajram Begaj, teksa ka shprehur ngushëllimet familjes për këtë humbje, bën thirrjen që organet në vend, ta zbardhin sa më shpejt këtë ngjarje kriminale.