Pas videos së publikuar nga Beatrix Ramosaj ku shprehej se është ndjerë e bullizuar sidomos poas daljes nga shtëpia e “Big Brother VIP”, shumë miq dhe kolegë të saj të njohur i kanë dalë në krah duke treguar mbështetje për të.
E fundit ka qënë këngëtarja Rozana Radi, e cila nëpërmjet një postimi në “Instastory” tregoi mbështetjen e saj për Trixën dhe i ofroi kurajo asaj duke i sugjeruar të punojë fort dhe ta rrethojë veten me njerëz të mirë.
“Ëndërro gjëra të mëdha, puno fort, përqendrohu dhe rrethoje veten me njerëz të mirë. Mbushe mendjen me mendime optimiste. Dyshimi i vret më shumë ëndrrat, krahasuar me dështimin. E sotmja mund të jetë dita më e bukur për ty, ndaj zgjohu dhe buzëqesh.
Pozitiviteti është një zgjidhje që ti mund ta kthesh në një zakon në jetën tënde. Vuaj tani dhe jetoje gjithë pjesën e mbetur të jetës si një kampione. Fitorja nuk është gjithçka, por dëshira për të fituar padyshim që është gjithçka.
Kjo është për të gjitha portalet që na kanë çmendur me këto lajme të cilat nuk i duhen askujt të gjithë ju që bullizoni dikë mendoj që në jetën tuaj. Mund të kemi harruar ata që ju kanë munduar por kurrë nuk i harrojmë ata që na kanë tallur. Turp”, shkroi Rozana.