Pjepri është një ndër frutat më të mira për t’u konsumuar në këto ditë të ngrohta vere jo vetëm për shkak të shijes, por edhe për vlerat e tij ushqyese. Jo rastësisht konsiderohet edhe si “minierë ari” falë përbërjes së lartë në vitamina dhe minerale.
Mjekët e këshillojnë pjeprin sepse është i pasur me vitamina, si dhe acidi folik dhe inositol (substancë), të cilat ndihmojnë në parandalimin e rënies së flokëve dhe nxisin rritjen e tyre.
Shëndeti i flokëve varet nga ushqyesit që iu japim folikulave të flokëve për rritjen e tyre. Konsumi i frutave të pasura me vitamina dhe minerale mund të nxisë rritjen e flokëve dhe parandalimin e problemeve të flokëve.
Pjepri është burim i mirë i betakarrotenit që konvertohet në vitaminë A brenda trupit. Vitamina A është jetike për flokët e shëndetshëm dhe rritjen normale të flokëve. Ndaj me konsumimin e pjeprit, kemi rritje të shëndetshme të flokëve.
Nëse vuani nga rënia e flokëve apo mosrritja e tyre, pjepri duhet të jetë patjetër pjesë e listës së frutave që duhen blerë.
