“Presioni” për situatën e luftës në Ukrainë ka ndikuar që presidenti serb, ALeksandër Vuçiç të pretendojë se këto 3 ditët e fundit ështe plakur më shumë se në 10 vitet e kaluara.
Vuçiç thotë se po ndeshet me një presion të madh për t’i vënë sanksione Rusisë pas sulmit që kjo e fundit bëri mbi Ukrainën.
“Nuk mbaj mend që të ketë pasur një situatë të tillë kaq të vështirë. Në tre ditët e fundit jam plakur më shumë se në 10 vitet paraprake”, tha Vuçiç.
Ndërkohë jo më larg se dje, ish-ambasadori amerikan në Kosovë, Philip Kosnett, i është drejtuar BE-së dhe SHBA-së që ta marrin në konsoderatë veprimin e presidentit serb ndaj Vladimir Putin, pasi është vënë re qartë se ndërmjet Perëndimit dhe Putinit, presidenti serb zgjodhi këtë të fundit.
“Pra, duket se Presidenti i Serbisë Vuçiç ka zgjedhur Putinin në vend të Perëndimit – ndërsa pretendon se duart e tij janë të lidhura nga opinioni publik dhe fshihet pas Kishës. Kjo nuk është udhëheqje; është frikë morale. BE, SHBA ju lutemi kini parasysh”, ka shkruar ai ndër të tjera.
Vuçiç po aplikon qëndrim të dyfishtë në kohën kur lufta ka nisur në Ukrainë, me urdhër të Putinit. Presidenti i Serbisë, Aleksandar Vuçiç ka thënë se Serbia e respekton integritetin territorial të Ukrainës, por nuk do të vë sanksione ndaj Rusisë.