Kryetari i Komitetit Ushtarak i Bashkimit Europian zbarkoi në Beograd. Gjenerali Robert Brieger zhvilloi një takim me Presidentin e Serbisë, Aleksandër Vuçiç. Kryetemë e bisedës së tyre ishte situata me Kosovën, por diskutuan edhe për rritjen e bashkëpunimit ekonomiko-ushtarak dhe teknik mes Serbisë dhe BE-së.
“Theksova se për vendin tonë siguria e popullatës serbe në Kosovë e Metohi dhe ruajtja e paqes dhe stabilitetit në rajon janë prioritet. Falënderova forcat ushtarake europiane për angazhimin e tyre në këtë drejtim”, tha Vuçiç.
Me të mbaruar me ushtarakun europian, Vuçiç kërkoi mbështetje në shpatullën e Rusisë. Presidenti serb takoi ambasadorin e Putinit në Beograd, Aleksandër Boçan Kharçenko, me të cilin diskutoi për zhvillimet në Kosovë, me fokus të veçantë rregullatoren e re për dinarin serb.
Ministri i Mbrojtjes i Serbisë, Millosh Vuçeviç, pasi kërcënoi me reagim të ashpër ndaj Kosovës për marrëveshjen me ushtrinë e Turqisë, ka zbutur gjuhën e tij. Tashmë, thotë se kthimi i shërbimit ushtarak me detyrim nuk po bëhet për shkak të situatës në Kosovë.