Sali Berisha bën përgjegjës Edi Ramën për shtyrjen e procesit në Apel, për shkak të mungesës së avokatit të grupimit tjetër të demokratëve. Berisha e konsideron një makinacion të kryeministrit.
“Gjithçka është makinacion i Edi Ramës. Nuk kemi asnjë tjetër në fokus veç Ramës. Ai është njeriu që kërkon të konfiskojë flamurin. Në kohën e duhur do ta marrin udhëzimet përkatëse dhe do qëndrojnë sipas udhëzimeve”,-u shpreh Berisha.
Nga ana tjetër, kreu i PD-së i kujtoi kryeministrit Edi Rama, 20 shkurtin 1991, ditën e rrëzimit të bustit të diktatorit Hoxha.
“Edi Rama është kopje e Spiro Kolekës, që më 11 dhjetor kërkonte të futen tanket e mitralozet pluralizmit politik. I kujtoj se ka patur edhe një 20 shkurt dhe I them, mos e provoko popullin demokrat. Fitorja duket”.