WhatsApp ka njoftuar përdoruesit e modeleve të vjetra iPhone se vitin e ardhshëm aplikacioni nuk do të funksionojë më në pajisjet e tyre.
Modelet për të cilat bëhet fjalë janë iPhone 5s, iPhone 6 dhe iPhone 6s.
Përdoruesit e këtyre smartfonëve nuk do të mund ta përdorin më WhatsApp sepse pajisjet s’mund të përditësohen me programin që i duhet aplikacionit për të funksionuar.
iPhone 5s doli në vitin 2013 ndërsa 6 dhe 6s në 2014. Të tre janë në listën e Apple si pajisje të vjetra dhe që nuk prodhohen më.
Ky ndryshim do të nisë të implementohet duke filluar nga 5 maji i vitit të ardhshëm. Të gjitha modelet e tjera do të vazhdojnë të funksionojnë nëse kanë të instaluar versionin e ri të iOS.
iPhone më i vjetër që funksionon me iOS 15.1 është iPhone 7. Përdoruesit e këtij modeli dhe atyre më të rinjve do të mund të përdorin WhatsApp.