Will Smith nuk do të lejohet të marrë pjesë në Academy Awards për 10 vitet e ardhshme. Ky vendim vjen pas incidentit që ndodhi me Chris Rock në ndarjen e çmimeve Oscar. Aktori gjuajti me shuplakë komedianin pasi ky i fundit bëri një shaka për gruan e tij, Jada.
Akademia mori vendimin e saj të premten, gati dy javë pas shuplakës famëkeqe që u dëgjua në mbarë botën. Bordi i Guvernatorëve prej 54 personash u mblodh të premten në mëngjes për të marrë vendimin.