Ish Kryetari i Komisionit të Posaçëm për Reformën në Sistemin e Drejtësisë, Fatmir Xhafaj ka komentuar ndërhyrjet në Kodin Penal.
Duke bërë një analizë për secilin ndryshim të parashikuar ai heq një paralele edhe me të drejtat themelore të njeriut duke bërë thirrje për të pasur kujdes.
“Ndërhyrja në Kod duhet të shënojë një ngjarje të rëndësishme.
Duhet të jemi shumë të kujdesshëm për ndërhyrjen në Kodin Penal, pasi preken të drejtat themelore të njeriut.
Proprozimet e sjella duhet të bazohen në konsultim të geërë dhe jo në propozime emocionale të dikujt.
Ndërhyrja është e domosdoshme në Kod pasi mungojnë dispozitat edhe pse duhet ta pranojmë që po shkelim pak procedurat”, nënvizon Xhafaj duke vijuar se:
Gjithashtu shpreh kritika dhe për propozuesen e ndryshimeve të Kodit Penal.
“Prezantimi i Bodes në formulim është i keq dhe me probleme.
Ndëshkimet duhet të jenë proporcionale, në aspektin ekonomik, sociale dhe psikologjike.
Refletkimi në Kodin Penal të mbajë parasysh shkeljen e rregullave, ndëshkimi i veprimeve në përhapjen e epidemisë si dhe duhet të ishte parashikuar nevoja për të ndëshkuar ata që nuk morën masa apo fshehen fakte për pasojat e pandemise.
Ashtu si do të ndëshkojmë qytetarët që shkojnë në tregje, duhet të ndëshkojmë edhe autoritetet për veprimet apo mosveprimet e tyre”, tha ndër të tjera ish ministri i Brendshëm Xhafaj.