Xheisara Frisku, është tashmë pjesë e show-bizit shqiptarë po ndjek ëndrrën e saj si një këngëtare. Bëri bujë në media me 2 këngët e saj “1 soj të 2” dhe “Rri sa më larg”. Aktualisht punon në Venue Club me bandën e Aurela Gaces dhe me disa këngëtare të tjerë. Me Xheisarën realizuam një intervistë të shkurtër, në lidhje me jetën e saj profesionale, ëndrrat, dhe projektet e së ardhmes.
1. Mosha në të cilën nise rrugëtimin tënd drejt artit?!
Si fillim përshëndetje. Të them të drejtën mosha që startova për herë të parë ka qenë 10 vjeçe ku une mora pjesë në festivalin ndërkombetarë Ndue Shyti ne Fushë Arrës, ku dhe u vlerësova me çmim të parë bashkë me grupin e të madhit Ymer Neli .
2. Cfarë instrumentesh muzikore di tu biesh ?!
Në fakt nuk është se di shumë instrumentave por ato të dyja që di i qaj ama. Çifteli dhe qyp .
3. Cili ishte starti për ty !
Starti i parë ishte në vitin 2016 ku unë nxora këngën e parë time dhe u bëra pjesë e show-bizit shqiptar .
4. Sa e do Sara qytetin e saj të lindjes ?
E dua aq sa nëse dikush e zë në gojë për keq acarohem dhe po qe nevoja e zhdep ne dru .
5. Aktualisht me cfarë po merresh ?!
Po këndoj në një ndër pubet më të sukseshme në tiranë në Venue Club me bandën e Aurela Gaçes dhe me disa këngëtare të tjere.
6. Cila është ëndrra jote e madhe ?!
Endra ime me e madhe Të ngre lart emrin Xheisara
7. Cfarë ka “peng” Sara ?!
Të them të drejtën skam noj peng i kam bërë të gjitha si më ka dasht qejfi
8. Cili është projekti I rradhës ?!
Për momentin jam duke punuar për dy këngë njërën po e përgatis për këngën magjike të këtij viti tjetrin për klip. Shumë herë më pyesin për këngë të re por më beso sësht aspak e lehtë të finalizosh një të till .
9. Nëpërmjet Tirananews.al cfarë do u thuash matjanëve ?!
Matjanëve u them të mbështesin cdo artist të ri që del nga ai vend se të them të drejtën vetem për vrasje na njohin këtej nga metropoli.
Anduena Sefgjini