Mbrëmjen e djeshme figurat më të njohura të ‘Top Channel’ janë bërë bashkë në studion e ‘Hell’s Kitchen’ për të festuar. Në të kanë qenë të pranishëm të gjithë moderatorët dhe personat që kanë punuar ndër vite në televizionin e njohur, të cilët kanë shijuar pjatat e shijshme të përgatitura nga konkurentët e ‘kuzhinës së djallit’ dhe Renato Mekollit. Nga imazhet e publikuara në rrjete sociale nga prezantueset e njohura është vënë re se të gjithë kanë qenë të pranishëm, por ka munguar një nga figurat emblematike të ‘Top Channel’, Xhemi Shehu.
Moderatorja e njohur e ‘Portokalli’ nuk ka qenë e pranishme në festën e organizuar dhe kjo gjë i ka habitur të gjithë, duke qenë se ajo është një nga imazhet kryesore të televizionit dhe ndër vite i janë besuar disa nga programet më të rëndësishme.
Ende nuk dihet se çfarë ka ndodhur mes saj dhe ‘Top Channel’, sepse nga një vështrim i shpejtë në ‘Instagram-in’ e moderatores vihet re se Xhemi nuk i ndjek më motrat Hoxha./revistawho
