Ylli i Liverpoolit, Xherdan Shaqiri, është në mesin e dhjetë futbollistëve të Premier League-s me më shumë trofe të fituar gjatë karrierës së tyre. Zvicerani me origjinë shqiptare ka fituar 13 trofe deri më tani. Këto 13 trofe në raftet e Shaqirit kanë ardhur gjatë periudhës që ai ishte pjesë e skuadrës së Baselit në Zvicër dhe e Bayern Munchen-it në Gjermani. Ai ende nuk ka fituar asnjë titull në Premier League.
Megjithatë, trofeu i parë në Angli mund të vijë për Shaqirin në sezonin e tij të katër në këtë ligë, pasi Liverpooli është në rrugën drejt titullin të Premier League. Nëse skuadra e Jurgen Klopp arrin ta mbajë vendin e parë në ligë deri në maj, atëherë në raftet e Shaqirit do të shtohet edhe një medalje e artë.
Shaqiri ka njesoj trofe të fituar sa Nicolas Otamendi dhe David Silva, ndërsa vetëm shtatë futbollistë kanë më shumë medalje të arta se ai. Këta lojtarë janë: Alexis Sanchez (14), Claudio Bravo (15), David Luiz (17), Stephan Lichtsteiner (17), Lucas Moura (18), Fernandinho (20) dhe Pedro (25).
Shaqiri ka luajtur gjithsej 22 paraqitje për Liverpool këtë sezon, 17 prej të cilave në Premier League. Gjatë këtyre ndeshjeve, ai ka arritur t’i shënojë gjashtë gola dhe t’i bëjë 3 asiste. Ai ishte titullar për dhjetë ndeshje të Premierligës, ndërsa në shtatë u aktivizua nga stoli.
Trofetë e Shaqirit
Swiss Super League 2009/10, 2010/11, 2011/12,
Swiss Cup 2009/10, 2011/12,
Bundesliga 2012/13, 2013/14,
DFB-Pokal 2012/13, 2013/14,
DFL-Supercup 2012,
UEFA Champions League 2012/13,
UEFA Super Cup 2013,
FIFA Club World Cup 2013