Xum Allushi nuk del dot nga Big Brother dhe ka bërë “lëmsh” rrjetin me një reagim të papritur dhe thumbues ndaj moderatorit Ledion Liço. Në një video të postuar në rrjetet sociale, Xumi duket se ka gjetur momentin e duhur për t’i kthyer përgjigje batutës që Ledioni bëri ndaj tij gjatë spektaklit.
“Ai që shiste proteinat dhe që do fikte dritat e Big Brother, po vazhdon punën përditë. Të paktën nxjerrim një rrogë, e hamë një çap buke. Po mua më kanë thënë që ty të ka lënë gruaja, ku do i gjesh lekët për bukë ti?”,-thotë Allushi.
Gjatë qëndrimit në shtëpinë e ”Big Brother Albania Vip 4”, Xumi dha deklarata me tone vetëbesimi të lartë, ku e shihte veten si fitues të mundshëm. Pas daljes nga formati, ai u fokusua në biznesin e tij me suplemente për palestër, të cilin e promovon rregullisht në rrjet.
Në sfondin e këtij shkëmbimi ironik, mediat rozë po qarkullojnë zëra për një krizë në martesën e Ledion Liços me Sara Hoxhën, lajme që nuk janë konfirmuar dhe mbeten në nivel spekulimi.