Kryeministri Edi Rama teksa ka nderuar këtë të martë 7 sportistë elitarë, që na kanë bërë krenarë me forcën e shembullit të tyre, duke e përfaqësuar Shqipërinë me dinjitet të lartë në peshëngritje, ski, mundje, boks, bilardo e bodybuilding.
Në këtë ceremoni Rama bëri me dije se do të ketë mbështetje financiare për të gjithë ata sportistë që do të kenë nevojë për stërvitje speciale jashtë Shqipërisë, siç ishte rasti i Luiza Gegës që i duhej të bënte stërvitje në Kenia.
“Për sportistët që marrin tituj kemi një politikë financiare një politikë që i fut sportistët tanë elitarë në nivelin e parë sa i përket mbështetjes financiare. Jemi të parët në rajon, të parët në raport me shumë vende që kanë kampion botërorë në këto disiplina dhe duam të vazhdojmë ta bëjmë këtë duke shtuar edhe një mbështetje për periudhat stërvitore speciale. Se aty ka akoma boshllëk, për t’iu dhënë mundësi të stërviten në kushte optimale, bashkë me trajnerët për të gjithë periudhën e nevojshme në ato parametra siç është rasti i Luizës”,-tha Rama.
7 “yjet e mirënjohjes publike”
Kampioni i peshëngritjes, Briken Calja
Skiatorja medaliste, Lara Colturi
Kampioni i peshëngritjes, Erkand Qerimaj
Kampion në mundje, Zelimkhan Abakarov
Vendi i tretë botëror në boks, Alban Beqiri
Bilardo, Eklent Kaçi
Bodybuilding, Genta Beqja