Misioni i Al-Hilal në Paris nuk ka të bëjë vetëm me transferimin e mundshëm të Kylian Mbappé. Klubi saudit ka kohë që vëzhgon edhe Marco Verrattin. Mesfushori italian, pas 11 sezonesh në Francë, mund të vendosë të ndryshojë mjedis, veçanërisht pas polemikave në fund të vitit të kaluar. Futbollisti i njohur ishte ndër më të kontestuarat nga tifozët parisien, së bashku me Neymar dhe Lionel Messi.
Për këtë arsye, lamtumira e tij duket shumë e mundshme. U fol për një rikthim në Itali të Verratit, Liverpool dhe Atletico Madrid po monitorojnë gjithashtu situatën, por Al-Hilal mund të fitojë garën.
Emisarët, të cilët zbarkuan në Paris disa ditë më parë, thuhet se kanë bindur futbollistin dhe negociatat janë në një fazë mjaft të avancuar. Verratti mund të nënshkruajë një kontratë trevjeçare.