Yllka Mujo është një nga aktorët më të njohura dhe të dashura shqiptare, ndërkohë që vëmendje të madhe kanë marrë në rrugët e tyre profesionale edhe fëmijët e saj, Amos dhe Elia Zaharia.
Elia tashmë është princesha e Shqipërisë, por pasionin për aktrimin nuk e ka lënë kurrë pas dore. Ndërsa Amos vijon në gjurmët e të ëmës, mjaft aktiv në filma dhe teatër.
Por të tre bashkë nuk i kishim parë. Ka qenë Amosi që ka zbuluar diçka i ftuar në “Rreze Dielli” në Report tv.
“Mamaja na ka dhënë një liri absolute të dyve për të zgjedhur, edhe mua edhe Elias. Kemi bërë një projekt që nuk ka dalë akoma, shfaqje teatri, të tre së bashku si në jetë, Yllka nëna, Elia motra dhe unë vëllai, vetëm se ajo është një ‘histori makabër’, ku nëna dhe vajza vrasin djalin, sepse nuk e dinin që ishte djali, nëna dhe motra ushqeheshin duke vrarë klientët e hotelit që kishin, nuk kemi patur mundësinë t’ia shfaqim publikut por do të vijë shumë shpejt”, shprehet ai gjatë intervistës. Kujtojmë se artisten Yllka Mujo dhe fëmijët e saj i kemi parë së bashku në skenën e Këngës Magjike.