Në 110 vjetorin e Gjykatës së Lartë, Yuri Kim teksa foli për sfidat me të cilat përballet vendi ynë sa i takon reformës në drejtësi, tha se është koha që në Tiranë të vijë ambasadori i ri i SHBA-së, por që Reforma në Drejtësi nuk ndryshon nga ky fakt.
“SHBA mbetet e përkushtuar për të mbështetur Shqipërinë. Ka kaluar mbi 3 vite dhe fakt është që pas 3 viteve është koha për një ambasador të ri. Të gjithë e kemi parë procesin në Washington. Reforma nuk ka për të ndryshuar, ndonëse ndryshojnë ambasadorët. Shpresoj që ju do të kuptoni që kur SHBA flet për drejtësinë, e bëjnë këtë si një mik i sinqertë. Askush nuk është mbi ligjin”.