Distancimi fizik nga njëri – tjetri dhe të gjithë me maska për të frenuar përhapjen e Covid – 19, është pamja e zakonshme nëpër Europë gjatë periudhës së pandemisë.
Ndërsa në Shqipëri ofrohet një pamje krejt tjetër. Shtrëngime duarsh. Përqafime. Lëvizje në grup. Masivisht pa maska.
Afeksionet janë të rrezikshme në një kohë pandemie, por kjo nuk vlen për shqiptarët që vijojnë të sillen në mënyrë indiferente ndaj situatës.
Edhe një prekje e shkujdesur mund të përhapë virusin e jo më puthje e përqafime, që në vazhdën e zakonit apo mallit, mund të jetë një gabim fatal për jetën e kujtdo.
Ndërgjegjja personale apo kolektive për të zbatuar disa rregulla mungon thuajse totalisht në një kohë kur numri i personave që marrin trajtim mjekesor është një shqetesim real.
“Huqi del me shpirtin thonë shqiptarët” po huqet kurrsesi nuk duhet të barazohen me jetën, e cika për shkak të këtyre sjelljeve po vihet kurdoherë në rrezik.