Katër persona në Himarë janë proceduar penalisht pasi gjatë kontrollit të ushtruar në plazhin e Gjipes, u konstatua se kishin zënë pa lejë hapësirën publike duke vendosur 57 çadra pa lejen e organeve kompetentë.
Uniformat blu bëjnë me dije se janë proceduar penalisht: Ll. Sh, M. Sh, banues në fshatin Vuno, A. Z, dhe M. DH, banues në Vlorë.
“Procedohen penalisht 4 shtetas, për veprën penale “Pushtimi i tokës”.Gjatë ditës së djeshme, në vijim të fazës së dytë të operacionit “Bregdeti ynë”, nga specialistët për Hetimin e Krimeve në Komisariatin e Policisë Himarë u proceduan penalisht shtetasit: Ll. Sh, M. Sh, banues në fshatin Vuno, A. Z, dhe M. DH, banues në Vlorë. Gjatë kontrollit të ushtruar në plazhin e Gjipes, u konstatua se këta shtetas kishin zënë hapësirën publike duke vendosur 57 çadra pa lejen e organeve kompetente”, thuhet në komunikimin e policisë.
Ndërsa në Vlorë policia ka arrestuar 44-vjeçarin K.A., banues në Vlorë, pasi ka ushtruar dhunë fizike dhe psikologjike ndaj babait të tij.
Vlorë-Informacion-Specialistët për Hetimin e Krimeve në Komisariatin e Policisë Vlorë bënë arrestimin në flagrancë për veprën penale “Dhuna në familje” të shtetasiit K. B. alias K. A., 44 vjeç, banues në Vlorë, pasi ka ushtruar dhunë fizike dhe psikologjike ndaj babait të tij.
Materialet i kaluan Prokurorisë, për veprime të mëtejshme procedurale.