Zarf i zi në shtëpinë e “Big Brother VIP”. Një pjesë e banorëve dënohen pasi thyen rregullin
Mbrëmjen e djeshme një pjesë e banorëve, përveç Ilirit, Monikës, Arjolës dhe Sabianit festuan në oborr. Për të përfituar elementët e festës DJ PM-it iu kërkua që të sakrifikonte 1 banor për 6 elemente të zgjedhur. Zgjedhjet që ai bëri ishin: Birra dhe tekila, këngëtar live, sushi, aparat për foto çasti, shisha dhe balerina. Përveç këtyre elementëve të zgjedhur nuk mund të kishin të tjerë.
Në listën e elementëve ishte shënuar edhe cigarja të cilën PM nuk e zgjodhi por banorët në festë e konsumuan. Kështu, ditën e sotme ”Vëllai i Madh” ka vendosur që të gjithë banorët që ishin pjesë e festës të shkojnë në nominim ditën e martë.
Në nominin shkojnë: DJ PM, Dj Dagz, Donaldi, Semi, Kledi, Beatrix, Fifi, Sarah dhe Einxhel me Beniadën që janë tashmë në nominim.