Detaje të tjera mësohen nga vrasja e inspektorit të policisë në Tiranë. Burime informojnë se Ludian Zaimi ka qëlluar 7 herë mbi Çaush Saliasi dersa ai ra përtokë dhe u transportua me urgjencë në spital ku nuk mundi të mbijetojë.
Ngjarja mësohet të ketë ndodhur për një konflikt banal pas ndarjes së turneve brenda sallës së mbledhjes në komisariat.
Në komunikimin zyrtar të policisë, bëhet me dije se po punohet për zbardhjen e plotë të shkaqeve të kësaj ngjarje, ndërsa autori Ludian Zaimi efektiv i patrullës së Përgjithshme është ndaluar brenda ambienteve të komisariatit ku ndodhi ngjarja.