Nesër konferenca e kryetarëve pritet të finalizojë marrëveshjen mes Partisë Socialiste dhe PD së drejtuar nga Sali Berisha.
Formula e kompromisit në lidhje me reformën zgjedhore parashikon që kjo reformë të realizohet nga komisioni i ligjeve.
Mësohet se të dy palët kanë rënë dakord që komisioni i reformës të mbyllet pa asnjë produkt, dhe të enjten e 21 marsit që përfundon afati i këtij komisioni, të mos shtyhet më mandati.
Me mbylljen e këtij komisioni, Lulzim Basha dhe Enkelejd Alibeaj hymbasin të drejtën e vetos për reformën elektorale. Dy negociatorët Bledi Çuçi dhe Gazment Bardhi kanë rënë dakord që komisioni i ligjeve të ngrejë një nënkomision ku PS e PD e Rithemelimit të kenë numër të barabartë anëtarësh. Mësohet se opozita pranon që pjesë e nënkomisionit të jetë edhe Enkelejd Alibeaj, por shumica e anëtarëve të opozitës duhet ti përkasë PD së drejtuar nga Sali Berisha.
Ndërsa në lidhje me komisionet hetimore dakortësia mes të dy palëve parashikon që nesër mazhoranca të votojë pro ngritjes së dy komisioneve hetimore pas rishikimit të objektit.