Detaje të rënda janë zbardhur nga ngjarja e ndodhur ditën e djeshme në Shkodër, ku një person qëlloi në drejtim të një grupi fëmijësh.
Bëhet me dije se personi që qëlloi drejt fëmijëve është Agron Mahmuti (Mehmeti) 49 vjeç. Mësohet se 49-vjeçari kishte pasur një konflikt me një 13-vjeçar dhe pikërisht fëmija ka qenë edhe shënjeshtra e autorit.
49-vjeçari qëlloi me armë në drejtim të 13-vjeçarit, por fatmirësisht nuk e kapi plumbi.
“Rreth orës 18:00 në lagjen “Qemal Stafa”, një person ende i paidentifikuar ka qëlluar me armë zjarri ku është dëmtuar vetrata e një lokali aty afër dhe më pas është larguar. Nga veprimet paraprake hetimore të kryera nga grupi hetimor në vendngjarje është gjetur një gëzhojë. Grupi hetimor po vijon punën për sqarimin e rrethanave të kësaj ngjarjeje, identifikimin dhe kapjen e autorit” njoftoi policia për ngjarjen.