Përveç Holandës, kundër hapjes së negociatave me Shqipërinë dhe Maqedoninë e Veriut është edhe Franca, Danimarka dhe Spanja.
Sipas AFP këto vende po mbajnë peng hapjen e negociatave, ndërsa Franca ka vlerësuar se Maqedonia e Veriut nuk i plotëson kushtet e nevojshme për t’u bashkuar vendeve të BE.
“Kushdo që bllokon procesin e pranimit, tani është përgjegjës për çdo destabilizim të fqinjëve tanë. Një shumicë shumë e madhe në BE është në favor të hapjes së negociatave të pranimit me Maqedoninë e Veriut dhe Shqipërinë. Pozicioni i Francës është më pak i mbështetur nga vendet anëtare të BE”, tha një diplomat evropian për AFP.