Detaje të reja janë zbardhur nga vrasja e 25-vjeçarit Xhulian Bullari në Babicë të Vlorës. I riu u gjet i pajetë me 1 plumb në kokë dhe 2 në trup.
Sipas ekspertizës së grupit hetimor, gjykuar nga pozicioni që është qëlluar, duket se 25-vjeçari nuk e ka pritur goditjen me armë zjarri. Ndërkohë dyshohet se i riu ka qenë i shoqëruar nga persona të njohur deri në vendin e krimit, teksa po punohet për identifikimin e tyre.
Ekspertiza mjeko ligjore ka dalë në përfundimin se 25-vjeçari mund të jetë qëlluar rreth orës 21:00 të mbrëmjes, ndërkohë që pritet dëshmia e babait të tij për të ndihmuar edhe më shumë hetuesit për zbardhjen e ngjarjes.